Земля
Аще не от естества есть Земли стенати,
Яко вещи бездушной, слезы проливати,
За сладко пловущия водныя потоки,
Шумящия з внутрности твердейшой опоки;
165 Обаче не держу, повторяя: горе!
Точу слез прегорчайших пространное море,
Увы, увы! Проклята за грех есмь Адама
ИЕввы, яже яблко урве си рукама,
В рай заповеданно. Аз за красный цветы
170 Волчец родити буду мерский во все леты.
Красна бех, доброплодна, раждах не оранна;
Ныне тща, аще и есмь потом полианна.
Никогда же на перво буду возвращенна,
Ниже по проклятии паки освященна.
Небо
175 Не сетуй, Земле скорбна, паче веселися:
Честь ти болша преждния ныне устройся,
Не клятие, но болшу улучиш святыню,
Чрез бога воплощенна вечну благостыню.
Той мя, Небо, преклонив, на тя, Земле, сниде:
180 Человек бысть; человек да на Небо взыйде.
От твоея созданны трости сообщися
Божеству; убо тебе не лет есть пещися:
Будешь мне, неклятому небу, приобщенна;
Аз земля, ты же небом будеш нареченна,
185 Якоже бог наречен и есть человеком,
Смертен человек богом живым во веки веком.
Земля
Небо! Роса словес ти мя не орошает,
Но паче всдыханием тяжким изсушает:
То глаголеш, емуже быти невозможна,
190 Аз же божия знаю словеса неложна?
Ими же есмь проклята; ты же мя случаеш —
Со собой; бо с водою огнь то сообщаеш.
Может ли тма там быти, где светлость сияет?
Гонит от себе тму свет, а не сообщает.
Небо
195 Земле! не печалися, скоро ся утешиш.
Мир на тебе вещающ глас скоро услышиш:
Мир мирови даруяй прийде к тебе мирен,
Исус Христос, сын божий, агнец кроток, смирен.
Той тя милосердием на перво претворит,
200 Той тя быти другиню мне, небу, сотворит.
Земля
Приидет? Аще и прийдет, огнь воврещи прийдет:
Не благословение, мечь з уст его изыйдет.
Небо
Ни, Земле! Рече: «Аз есмь на землю пришеды,
Да жизнь имать и лишен всяк з земли прошеды».
Земля
205 Победихся, о Небо, для твоей порады;
Жду и от бога реченной чрез тебе отрады.
(Пение: «Христос раждается, славите...» и прочая)
Милость Божия
Неизреченна Милость бога, необъята,
За преступство Адама мирови отъята,
Егда тот запрещенну прикоснуся плоду,
210 Наведе проклятие общему си роду,
Заключи дверь златую небеснаго града,
Отверзе тму кромешну лютейшаго ада.
Но не прогневаяйся в век бог, ни враждуяй,
Прииде под леты, милость мирови дарствуяй,
215 Человеком бывает чрез милость премногу,
Да бренна человека уподобит богу!
Ныне небо земля бысть, земля небом убо,
Земля, небу причтена! Радуйся сугубо!
Ликуй, небо! Место бо ангела гордыни
220 Человеком наполнит бога благостыни.
Да сорадуются ти аггельския лики,
Егда сожительствуют има человеки!
Земле, за змия вражду иногда проклята!
Радуйся, яко богом ныне есть свята!
225 Уже не к тому волчец имаши родити
Но будеш украшенна различными цветы.
Первы Адам сподоби клятвы тя руками,
Вторый Адам, ходящи по тебе ногами
Пресвятыми, освяти тя в вечныя роды,
230 И вожделенными тя ублажит плоды.
Земля
О, Милости божия неизглаголанна!
Аз, Земля, грехом Еввы веема окалянна, ||
Под твои пречистыя скланяюся нозе,
Чту тя, славлю и хвалю во веки о бозе,
235 Понеже мя грешную дотоль сохраняла,
Ныне же крастотою неба увенчала.
Сама облаком легким с пебеси низходиш,
Тягость же мою бренну на небо возводит.
Буди благословенный во век веков, боже,
240 Яко твоя милость мне грешной поможе!
Небо
О, милости всещедра! Под прекрасный нозе
Прекланяюся небо волею по бозе.
Молю: идеже еси, да буду с тобою!
Совокупи мя землею во век со собою!
Милосердие
245 Земле! Чрез милость бога небу приближися.
Небо! Чрез милость бога Земли примирися.
Се вас союзом златым на веки спрягаю,
Мир, единство и любовь на вас полагаю.
Небо
Слава во вышних богу днесь о сем да буди!
Земля
250 Мир земли благоволный да воспоют люди!
(Пение: «Слава в вышних Богу ...» и прочая)
